Ана мен бала бөлімшесі
«Ана мен бала» бөлімшесі босанғаннан кейінгі кезеңде ана мен жаңа туған нәрестенің бірге жайлы болуына арналған.
Палаталар 2–3 адамға есептелген, кең, жарық, тыныш реңктерде безендірілген және ана мен балаға қолайлы болу үшін толық жабдықталған. Әр палата қажетті жиһазбен және санитарлық тораппен қамтамасыз етілген. 2 және 3-қабаттарда теледидары бар жайлы холлдар мен демалыс аймақтары орналасқан.
Бөлімшенің телефоны:
+7 (727) 2-92-69-90
Бөлімшеде қамқор әрі тәжірибелі персонал жұмыс істейді. Олар әйелге өмірінің жаңа кезеңіне бейімделуге көмектеседі, жаңа туған нәрестеге күтім жасау дағдыларын үйретеді және емшекпен қоректендіру мәселелерінде қолдау көрсетеді. Лактация жөніндегі мейірбике анаға кеңес беріп, емшекпен қоректендірудің сәтті қалыптасуына көмектеседі. Ана мен баланың бірге болуы және баланы ерте емізу асқынулар қаупін азайтып, нәрестенің денсаулығын нығайтуға ықпал етеді.
Неонатолог дәрігерлер мен мейірбикелер баланы туған сәтінен бастап үйіне шығарылғанға дейін бақылауда ұстайды. В гепатиті мен туберкулезге қарсы вакцинация жүргізіледі, фенилкетонурия мен туа біткен гипотиреозға скрининг, сондай-ақ есту бұзылыстарын ерте анықтау үшін аудиологиялық скрининг жасалады. Үйіне шығар алдында әйелге контрацепция және босанғаннан кейінгі кезеңнің ерекшеліктері бойынша ұсыныстар беріледі.
Бөлімшеде күніне үш мезгіл тамақтану ұйымдастырылған, тоңазытқыштармен, микротолқынды пештермен және тәулік бойы ыстық сумен қамтамасыз етілген буфет жұмыс істейді. Медициналық персонал тәулік бойы көмек пен кеңес береді.
Үйіне шығару табиғи босанудан кейін 2–3 тәулікте, ал кесарь тілігінен кейін 4–5 тәулікте (қарсы көрсетілімдер болмаған жағдайда) жүзеге асырылады.
«Ана мен бала» бөлімшесінің артықшылықтары:
-
🤱 Ана мен баланың бірге болуы
-
🏥 Жайлы, толық жабдықталған палаталар
-
👩⚕️ Медициналық персоналдың тәулік бойы көмегі
-
🍼 Емшекпен қоректендіруді қолдау және үйрету
-
👶 Неонатолог дәрігердің тұрақты бақылауы
-
💉 Вакцинация және неонаталдық скрининг жүргізу
-
🧡 Қажет болған жағдайда психологиялық қолдау
-
🍽 Күніне үш мезгіл тамақтану және жабдықталған буфет
-
📋 Үйіне шығар алдында толық ұсыныстар
Алматы қаласының №1 перзентханасы — өмірдің алғашқы күндерінен бастап ана мен сәбиге қамқорлық.
Сұрақтарыңыз қалды ма?
Байланыс:
Алматы қ.
Сейфуллин даңғылы, 492 / Бөгенбай батыр к., 147
roddom01@med.mail.kz
Facebook:
roddomalmaty01
Instagram:
perzenthana1_almaty
Бас дәрігердің қабылдау бөлмесі
+7 (727) 292-67-88
Телефон:
+7 (727) 293-57-18
Бухгалтерия
+7 (727) 292-34-39
Сенім телефоны
Бөгенбай батыр к., 147